| 一年lu...咁快就過咗一年...諗番起上年臨會考既日子,真係好似幾個月前既事...時間過得一年比一年快...或者係我花咗太多時間留戀過去既野... 上年臨會考果排,雖然大家都不約而同係沙田果間自修室溫書溫到死咁,但係一大班人一齊涯,一齊食飯,溫唔入腦果陣就一齊踢毽,真係好鬼開心~差唔多成個四,五月,日日都係咁~(不過記得果陣有一排為咗溫書搞到連電話都改埋,要至到第一日會考先轉番之前既number...其實諗番都好似唔係咁好...係度講番聲唔好意思...) 就係咁一日復一日,睇住d日子一日一日咁過就到咗會考果段日子,其實諗番起自己考果陣都唔算好緊張,反而溫書果陣會緊張過考果陣,而且考試既時間比溫書既時間少好多,過得亦快好多倍...考完果科a.math既心情都幾爽,差唔多連6月尾要考既Oral都好似考完咁,不過果陣因為一d事既原故,都被果樣野困擾...心情始終唔係咁好...唉...算啦,都過咗去lu呢件事,人人都會有D咁既事,唔多提...(同緊自己講...搞到好似有D矛盾tim...= =) 記得六月中就同miss leung &十零個5C一齊去食大久保,其實果間野都ok貴,兩個鐘$88仲要六點幾入場,不過d野食都ok,同埋坐得好過癮,果次我食咗勁多三文魚~之後就去咗旺角西洋菜街其中一間café度飲野吹水,係果度傾咗勁多野~冇記錯最後應該係miss leung請哂我地飲野~多謝~! 差唔多成個六月尾都諗緊著咩衫去謝師宴好...謝師宴前果個禮拜係咁出街睇衫,果幾日行到隻腳勁痛...不過最後都簡咗件橙色polo裇衫(其實原本諗住著果件格仔裇衫既...不過見之前著過幾次,所以都係買過件好D,而且果陣又睇岩咗果件),褲袋有鍋釘既黑色西褲(不過差唔多比件裇衫庶哂d鍋釘...),同埋格仔vans slip on,其實果陣都幾想買件西裝褸著...不過試親件件都A字膊A得好勁...所以最後都冇買...而果頭就係謝師宴果朝先剪既...(其實有諗過電髮...不過驚電完出黎連自己都O哂嘴...),不過最大獲就係一到謝師宴果度(日航)就比個tak lung叫我件衫做xx橙...= =”超無奈...去到食果d野同一般自助餐一樣~食得最多都係三文魚,不過去到大部份時間都係影相同吹水,可以話食唔到幾多野,不過果feel就幾正~果果著哂西裝,晚裝咁~果日過得超快...完果陣時都唔係咁捨得走...不過好在~有壓軸節目~成大堆人為咗撇條友去唱k,係個場出面留咗勁耐,跟住仲要一堆一堆逐d逐d咁走,跟住到我地果堆,成堆人衝落樓梯走出大堂,一出到酒店就叫埋其他人走,冇停過十幾廿人著住西裝,晚裝係酒店出面狂奔,果場景勁似劈友,諗番都笑死~跟住就全部人沿海旁行去紅磡火車站搭去旺角RED BOX唱通宵K~ 到咗七月頭就搞咗一次bbq,地點就係小欖,本身以為個沙灘會ok既,點知...去到個沙灘真係唔係太掂...有好多垃圾同石...但係d食物就幾好,不過佢地個個都話好食既叉燒粒就冇食到,超後悔...而價錢方便都算幾平,好似係$68任食,包兩罐野飲,由中午食到夜晚11點都得,諗番都覺得幾抵~而且果次miss leung都有黎(不過好快就走咗...),全部人加加埋埋差唔多有成三十個人,佔咗成三個爐~果個場唔知係唔係太多錢,請成十幾廿個人,全部都好得閒(可能果陣唔係太多人啦),所以d服務態度都唔算差,有次我地因為果位太熱,幫我地搬咗3個爐去個冇咁熱果邊,而我地燒咗冇耐就租咗兩套麻雀打~(30蚊一套,全日),抵~之後到咗六點到,d人都逐漸咁走lu,而我就六點到送咗周欣渟走...八點到至番,番到去就剩番十幾個到,熱多一陣野食,打多一陣麻雀,大約到十點到就走lu,之後就幾個出咗去荃灣打機加番沙田吹水...其實呢次燒烤係因為周欣渟要過外國讀書而搞既...但係原來佢果陣時病緊,而且個feel好似唔係咁好,搞到好似唔係為歡送佢而食咁...都算係美中不足既野...不過算啦,天下無不散之延席,前面仲有好多路要行... 係會考之後差唔多個個同學都想搵番份暑期工做吓,搵番d洗用,我就拖到成七月先開始想搵工,果陣時巳經遲咗d lu...而且又冇咩心去搵...結果就搵咗份推銷美容產品做...去到果度,除咗d老細級既係男人...其他全部都係女仔...得我一個男仔= =”而且果d女仔既話題都唔係幾岩...食親lunch果d女仔都係度煲煙...而份工方便就冇底薪,要簽到一張單sin有百五蚊...而頭兩日係試工,只要叫得停d人,其他同事就會幫你sell...而第3日就只係開到半張單...企足成日...去到自己返工果度又要再搭車出去另一度sell野...而lunch又要去d商場食...一日洗費差唔多要成50蚊...而且又驚份工昆人...所以做到第3日就後就冇做... 之後都係啊媽番工果度番過幾日part time,雖然要出到機場酒店返工,但勝在果度人工都算ok,一日250,包早,午,晚,任食~咖啡,奶茶,華田任飲~而且仲即日出糧~做完即刻袋落袋~雖然份工就勞力工作...要推架重到啊媽都唔認得既車,又要洗地毯...試過搞到十隻腳止都抽哂筋,隻手起哂沈...而且唔係成日都有得做...不過有既話我都會去番~費事日日留係屋企冇野做... 到八月頭果陣,就又去咗海洋公園果夏水禮玩,死都記得係啊婷話去海洋公園先...點知去之前果一,兩日無啦啦番咗大陸...而且唔係咁多人想去...所以就得我,肥鴨,啊容,肥嫻,四個人去,不過人少有人少好玩~果日全日由上午九點幾十點玩到夜晚十點幾~狂玩十二粒鐘~超正~不過其實蠢咗,應該一開始先玩夏水禮之後再玩機動遊戲...果陣時預唔夠時間玩水...而且玩果陣時係夜晚...有d凍...而且果頭濕咗走去玩一次過山車就可以乾番哂~不過啊容就唔敢玩...幾難得sin叫到佢玩海盜船,而佢玩緊過樣真係超搞笑,搞到我坐佢對面玩果陣時一路玩,一路指住佢係咁笑~不過之後玩水果陣,果邪惡容報仇...排隊去玩泡果陣係度話好想砌雪人...跟住入到去就聯同果肥嫻係度狂用d泡堆我...比佢地變咗我做雪人幾次...而玩水戰迷宮果陣我地係入面賴死唔走...係咁同d人鬥射...不過我近視太深...除咗眼鏡,連人樣都分唔到...玩到夜晚十點幾都唔係太捨得走...不過大家都累到死咁...之後就搭車出番旺角,而我同肥鴨就去睇戲,睇子夜場魔盜王2,啊容同肥嫻就搭車走人。 跟住過多幾日就放榜lu...放榜之前果晚其實諗住去楊上謙屋企打邊爐打通宵...不過驚第2日冇精神搵學校...所以11點到就走...返到屋企其實都唔係太訓得著...而第2日就約咗啊雞佬&肥嫻食大快活早餐,果朝早間大快活差唔多有成半間都係劉百樂d人,不過雞佬遲大到...所以我地番咗學校sin...入到課室果陣真係超緊張...而自己就預咗大約有12分到...我,雞同lung夾夾埋埋拎咗成十幾廿包紙巾...而miss leung入到黎果陣時,睇得出佢心情唔多好,大家冇咩點講野之後就開始派成績單...一個接一個...有笑有淚...紙巾一包一包咁少...終於到我去拎...出到去其實都唔係太敢睇...一路行番埋位果陣先至望落去...結果同自己既預期一樣...12分...d咁既分數都唔知笑好定喊好...雖然同預期一樣...但係亦都感到失望...點解唔多2分...不過自己心中有數...12分...其實都算好好彩...是屆5C班有7個可以升番原校...相比起之前,巳經有好好成績...自己升唔到,怪就怪自己點解唔努力D,溫果陣時又唔夠專心,成日搵其他野黎做藉口... 放完榜之後,啊媽就過咗黎學校搵我...大家都好榜惶...我就同d同學出去出去搵學校...睇吓有冇D學校會偷步收生,而我就叫啊媽去酒樓等我...差唔多成個大圍區岩心水既學校都搵哂...冇一間肯收...跟住就去咗美林同啊媽飲茶,再同偉&姓盧出去沙田搵...搵搵吓雞佬就打黎話佢入咗將軍澳香島~都幾遠吓...之後我地搵到累,就起咗去Pacific度吹吓水之後就番屋企...準備第2日再搵...但係到再第2日出去果陣都係同第1日一樣,d收獲都冇...冇一間學校偷步...而14分以下的學生要到第3日sin可以有學校收...所以出咗去搵咗幾間學校就番屋企...到咗夜晚就成班人係msn度傾吓大家點算...點知傾傾吓冇啦啦睇到新聞話周圍d學校都有好多人排隊排通宵= =!!shit!!搞到我地有d都出咗去排...而我啊媽因為第2日請咗假,都幫我出去排隊...我就排丘金元,而佢就排崇蘭...我其實都有叫佢唔洗排家啦...唉...但係佢話點都要出...果吓真係好感動...亦都好後悔自己點解唔攞多2分...而家要煩到屋企人...去到第一城同偉(不過佢過咗一陣就去咗馬松森排)&姓盧一齊排,排咗一陣,雞就拎埋d野食同幾張櫈落黎陪我地排隊,而tak,老莫,lung都有落去佢地屋企附近幫我地睇吓其他學校多唔多人排隊...係度要同佢地講番聲多謝!!特別係雞~佢陪咗我地排通宵,又拎d櫈落黎比我地坐,到第二朝入到去果陣,我就擺咗d櫈係學校...要佢去攞番...sorr啊雞...果陣時果人都荒哂...排隊排通宵,但係間學校in都唔in,一睇張成績單就叫我搵其他學校...><...一知呢間唔得就即刻飛的去崇蘭...而姓盧就去咗馬鞍山果邊搵...點知去到情況同之前一樣...之後打電問馬登...點知果度竟然冇哂位...果陣差唔多成個沙田區d學校都爆哂...所以就同啊媽搭80號去咗之前銘&青蛙都介紹過既地利亞...去到果陣都差唔多10點lu...經過呢3日搵咗幾廿間都唔得,所以搞到自己都冇咩信心...點知就係呢間,竟然肯收我~!!超開心~終於有學校要,之後即刻叫埋其他人黎試~不過姓盧in第一次唔得...跟住就同佢一齊食lunch,食完之後再上番去in多次~點知今次又得咗wo~yeah~又多個劉百樂,之後仲有李靈芝同5B班既黃柏基入埋~正~夾夾埋埋,有成6個劉百樂係地利亞~不過最慘既係原來要全校咩同一個書包!!shit!!超樣衰!!地利亞要提早返學我都覺得ok...但係竟然要咩埋同一個書包...而且仲要係斜咩袋,唔好咩不在話下,重要迫我地個個側咩果吓死...返學果陣,全校同一套衫,同一個袋,將近遲到果陣仲要一堆人跑上山...場面真係壯觀到丫...最慘果陣又唔跑唔得,果袋又鬼死咁重...唉...不過算啦...有學校收,巳經好開心啦...終於都放低咗會考呢舊心頭大石...之後個姓盧可能太開心,請咗我去apm睇戲~又係睇魔盜王2...不過大家都經過呢3日洗禮,而且成晚冇訓過...所以累到唔媽都唔認得,一路睇吓戲,一路訓吓咁... 八月尾就搞咗巴西燒烤~又係有成廿幾個人去~不過原本miss leung黎家...不過冇啦啦話唔得閒...不過一班人食野,都幾正既~果度價錢都算ok,68蚊位,任食...不過d食物就覺得麻麻...自助餐果d又少種類,正果d就拎出黎切一次就走番入去...勁衰...而時間就可以食到成十點幾十一點,果次食完之後都係分頭走,有d就搭巴士,有d就打機,有d就行去尖東搭火車,有d就紅磡火車站...而我就行去紅磡搭火車,最搞笑就係落到去火車站等火車果陣,冇啦啦架火車一黎果陣,隱約見到其他人(係尖東搭果d)係車頭幾卡果度,而我地就係車尾十幾卡果度等緊,之後就叫人衝去前面~6,7個人係個火車站度狂奔~仲要左閃右避d人~d人仲要係行緊入火車,仲要個個都望哂過黎...跑咗成十卡車~終於係車門關果陣衝咗入去佢地果卡,有一,兩個就係頭等之後幾卡入咗去...點知佢地慢慢咁行番果黎...果陣我地都跑到索哂氣...第一次係火車站度咁跑法~超正~ 而果個禮拜巳經開咗學lu...頭幾個月都真係幾唔慣,唔單止係個袋...連學校環境都係,學校又細過人,lunch時間又少(得55分鐘),周圍又少野食,放學,lunch要好似小學生咁,d交安舉牌先過得馬路...加上觀塘d空氣極差,搞到落車行上山番學校果10分鐘好似長跑咁...未行到上去就巳經累到死,日日都係咁...真係命都短幾年...而個袋咩到而家巳經搞到我個心口有d痛...都唔知係唔係因為太重,重到壓親d骨...唉...其實到而家都仲未接受到...慣又唔可以話慣既...好厭倦lor...對而家間學校...唉...不過自己都只係得個講字...講完又改變唔到呢個事實...鬼叫自己成績差...不過亦都要戒成日話自己之前懶.,再係咁講落去都冇咩用,最緊要係現在可唔可以專心溫習... 呢間學校一開學冇耐就迫人參加課外活動...原本諗住做社果d post既...但係全校投票果關過唔到...冇得做...所以就迫咗我入果個要行百萬行兩次既義工服務隊...不過之後我個班主任(miss呂)就問我做唔做果個學生福利會,咁我就緊係做學生福利會都唔做義工服務隊啦,成件事都須須利利,全校投票比我撞得咗,入咗去做...但係之後問番...原來義工服務隊果陣巳經計我入咗...唔可以唔玩...勁無奈... 而lunch方便,頭果幾個禮拜就成日都約番係觀塘區果d 5C食(啊容,lung,同地利亞果d),不過都維持唔到好耐...因為大家lunch時間又唔係太夾,而我地行去食lunch果d地方都巳經多個成果字,來回十幾分鐘...夾夾埋埋,半個鐘都唔知有冇...之後就好快同自己班果d男仔食lu,係家唔中先會約番佢地食lunch...不過最令人意外既係,估唔到李靈芝係番學冇耐就比劉百樂收番...大家都超級意外,佢係地利亞一個月都未夠,就脫離魔掌...真係好鬼羨慕又妒忌... 開學冇耐,終於比我去到迪士尼~全靠啊爸比我果三張免費飛~四個人去(我,雞,肥嫻,啊婷)~每人都係70蚊到~果朝一早就入咗城大canteen食早餐(超抵食,極力推薦)~之後當然去搭架迪士尼地鐵啦,其實原本覺得迪士尼只係一個普普通通既一個公園,但係點不知去到個感覺完全係兩回事,周圍環境都整到成個童話一樣,仲要播埋迪士尼D音樂,直頭比成個氣氛吸咗入去咁,雖然D人話就話香港迪士尼唔夠其他國家好玩,但係我都巳經覺得好好~前後總共睇咗3個show,3D,Golden Mickey同獅子王,3個都好正~只不過獅子王果個唔識英文...有D聽唔明...而機動遊戲就始終覺得space mountain同巴斯光年~玩咗成日,成四點幾先食lunch...最無奈既就係竟然玩玩吓落大雨...= =...仲要紅月tim...成幾個月都冇紅雨...係要果日黎落...好彩我地都有幾把遮...雖然都搞到成身都濕...不過放煙花果陣就停咗雨,都算係不幸中之大幸lu,果場煙花勁正,雖然D煙花都唔算大型,但勝在有D音樂,加埋個城堡同激光~正爆~錄低咗果段片仲睇咗勁多次tim~臨走果陣走咗去小鎮大街度行吓~運吓吉~之後就出咗朗豪坊扒王食dinner,大家都累到死,返到屋企即刻沖涼訓覺lu... 九月中,TAK生日,同番未repeat之前D同學去咗旺角打邊爐,最估唔到既係基佬變咗全枱焦點,全程係度狂搞gag,笑到肚痛~全枱都勁想打爆佢~!!仲要幫佢改咗個名,”譚海峰,是x但,痴x線”,真係比條友吹脹... 十月頭(中秋節),又搞咗次5C聚會(BBQ)~同樣都係十幾廿人去~地點就龍鼓灘,果場就冇小欖果個咁大,而且勁多人(可能因為係中秋節既關係啦),好彩事先卜定位~唔係都幾大獲...果度都可以由朝玩到晚~同埋出面有大沙灘...不過D沙都好污糟...可能因為隔離有個發電廠掛...真係可惜...今次”勝”咗~一開波就租咗副麻雀打,同埋因為中秋節既關係,買咗超過一百支螢光棒~同埋幾廿盒蠟燭,幾個罐,超癲~大家燒吓野食,打吓麻雀,吹吓水,行吓沙灘,影吓相,就到入夜lu...大家都攞咗d螢光幕玩,而到咗8點幾到就出咗海邊去玩蠟燭,插咗好多螢光棒係d沙度~一路玩,一路吹吓水咁~不過最無奈就係玩咗一陣,冇啦啦有個勁大既浪沖過黎...沖走咗一D蠟燭同螢光棒,搞到條褲都濕埋...之後有D就早走,有D就玩多陣蠟燭,玩到十點半到就離開龍鼓灘lu,不過走果陣時勁多人等車...同埋出番去屯門都成十二點...好多尾班巴士都開哂...傾咗陣就走咗去搭西鐵...點知入到去先知尾班車就快開出,成堆十幾人即刻係果西鐵站到狂奔...跑咗勁耐,而且係我第一次搭西鐵...估唔到個站可以大到咁,跑到黐肺,好彩都趕到~因為仲有好多蠟燭未玩,所以就想搵個地方玩埋佢~之後就轉地鐵,再係旺角轉小巴入美林城門河玩埋佢~不過有D就返咗屋企,得番十個唔夠...不過真係玩得超癲,煲到成個蘑菇雲咁,仲高個我屋企個天花板,仲要煲成幾次,搞到成個螢火會咁...果何kai銘仲要玩到失哂控,停唔到,要真係冇哂D蠟先肯停...果陣都有D驚比人見到會報警...走果陣都成四點鐘lu...最無奈就係冇人同我同路,搞到一條友由文禮閣對面果個河邊條路行去沙田先有車搭番大埔...成條路勁長,起馬要行成三個字,同圍又冇人,又大霧,行到中間睇唔到前後有盡頭...靜得黎又好似聽到D聲wo!!shit!!好似行咗勁耐先行完...搞到我要一路聽歌一路諗其他野,又唔敢愈行愈快...驚會愈快愈驚...幾經辛苦先行到個車站搭車番屋企... 十一月尾,終於都到咗期待巳久既畢業禮...呢次係最後一次係禮堂唱校歌...其實原本今次諗住著番劉百樂套校服去既...但係最後都冇做到...去到攞完張會考證書之後就入禮堂lu...唱完校歌,睇吓表演,影吓相,吹吓水,頒吓獎,好快就完咗個畢業禮,跟住成班人走去新強記搵miss leung影相,搞到佢成個名星咁~之後梗係有下一場啦~成三十幾個人去娛樂城打邊爐~開成三枱~而其他班都有D人係果度開咗枱,情況同上再一年既畢業禮一樣,勁多劉百樂係果度~不過氣氛冇想像中咁好...可能因為太期待呢次打邊爐啦...其實都唔係太知點解... 十二月,果聖誕假充實到爆,環球嘉年華,學校旅行,sing concert,平安夜,除夕到數。 聖誕假第一日就係6C班既旅行日,去咗大浪灣~雖然果沙灘唔係好大,但係就超靚~D沙超滑~而且果厠所都幾乾淨~去咁多個沙灘,呢果算係最好~不過成個燒烤場就只係得十八果爐,每個爐只係得四位...好彩我地早入去霸定爐,唔係都幾大獲...有班成十點幾十一點先黎...結果佢地一個爐都冇...而果燒烤場既另一個問題就係冇位擺食物...搞到我地鋪報紙,擺係地下...果日仲要超熱...十二月尾都有成廿幾什至三十度...= =”好彩果陣帶咗件短袖衫~D野食ok啦,同平時燒野食差唔多,不過值得一讚既係果D金菇肥牛卷~燒到下午到就落咗去沙灘玩閃避球~之後踢咗陣浪就搭番車出去~ 第二日就去咗環球嘉年華,呢次真係好抵去,唔洗好似之前咁每隻game收費,呢次只要比入埸費百幾蚊就可以全場任玩,仲要送成幾廿個金幣比你玩攤位遊戲拎公仔~我都算係拎咗一個半公仔~頭果半個係掟罐果陣,攤位果D人唔記擺番D罐就比我波地掟得黎既~而之後果個就係臨走掟飛標比我好彩掟中~果度其中一個攤位係比你垂直推D金幣出去,只要果金幣係某個位跌就有公仔,而有D金幣會碌到近推金幣出去果D位,所以有個欄擋住,以防D人會拎走D金幣,但係仲可以伸隻手指將金幣係入面推出黎~我地幾個發現咗之後,係果度拎咗勁多個金幣~點個有d唔識既人係度掙飯碗~搞到大家又要搶D有金幣既位,又要唔比攤位D人發現我地做緊咩~笑到我死~基本上去到都未玩得哂,可能放緊假啦,勁多人排隊...而有D真係唔係咁夠膽玩...G FORCE,跳樓機,洗衣機都唔敢玩...不過其實都唔夠時間玩哂...排鬼屋果度排咗勁耐,點知入去得果幾分鐘,仲要悶到爆...比鬼屋個名昆咗...唔係就可以玩多幾樣野...有陣時見到D人用勁大個透明膠袋住勁多公仔,成個聖誕老人咁...都唔知D人點玩到咁多...玩到十一點果場就關門lu...D攤位勁衰...唔比人玩落去...搞到有D金幣未玩...被迫要走... 第三日,可能因為太過累...搞到連鬧鐘都聽唔到...電話較咗震機...有十幾個未接來電...搞到有人打到我屋企先起到身...起身果陣巳經成9點!!shit!!原本8點鐘要去到sing concert!!跟住即刻飛的去觀塘月華校...呢個算係搞咗最耐,最著重既活動...竟然會唔知醒...遲咗成2個鐘...覺得勁內疚...去到會場好彩只有自己學校D人知...算係不幸之中既大幸...不過原來仲有第二樣不幸野...原來我間學校有首參賽歌播唔到...搞到比人狂插...唉...成日都超黑仔... 平安夜果日就去咗美食嘉年華,10蚊入場費,都算多野食家啦~最正就係有得攞redblue飲~不過果度勁多人,好迫,超難行...不過啊婷仲可以好暢順咁係果度向食物出發...超癲~大家都跟唔上佢既速度~= =”行咗成兩,三個鐘先出番去...不過都幾飽吓~之後就搭電車去皇后像廣場果度同聖誕樹影相,就去咗國金搭307返大埔(之後先知原來皇后像廣場有個站)...去到大埔就入咗吉之島買野食順便訂埋pizza,一行八個去咗我屋企一路睇大丈夫2一路開大食會~正~玩到成十一點先走,之後落到去,有D就話要打陣千秋,有D就走,我就送完佢地搭火車再番去打千秋~打到差唔多一點鐘就比佢地捉咗去旺角食糖水... 除夕,首先就去咗沙角村打邊爐~超抵,五十蚊都唔洗~任飲任食~不過可能係節日既關係,好多人...搞到D野食成半個鐘都未黎...所以我地落咗好多次單...點知佢係我地差唔多要走果陣送咗勁多野黎...= =”我地就迫住要狂食...> <”個個都飽到啊媽都唔認得...之後就去咗大圍火車站同其他人會合,出尖東海港城門口,一路傾計睇電視,一路等倒數~今年個位巳經算幾好,有得知道幾時真係十二點~唔會倒幾次數都唔知邊次真~而且係果度倒完數會有煙花放又有成堆成堆既碎紙~超靚~果氣氛超正~不過我之前同玩遊戲玩輸咗...懲罰係比人打塊面...所以一倒數完...就係咁比佢地同我講HappyNewYear!!...之後同啊容,肥嫻去旺角食宵夜兼帶佢地搭車,再番沙田同佢地會合,hea差唔多成四點先走... 二月一號,十九歲生日...thx肥嫻幫我搞咗次打邊爐~咁又大一年lu...自己買咗部相機同西裝褸過生日~thx葉水禮比咗果九折同借咗幾百蚊比我...(直至新年至有錢還...)咁快就過咗十九年...好驚D時間過得一年快過一年... 二月尾去咗貝澳露營,都唔知第幾次去lu~果晚有人放煙花~超大個~超靚~佢地買咗支九江雙蒸飲= =傻傻地...都係啦,去親camp夜晚都唔荒會訓得好,我成晚攞咗momo部NDSL玩~第二朝果果都訓到勁晏~成十點幾十一點先起身~正到爆~之後冇耐就走咗lu (因為啊媽約咗我去大澳)... 之後果幾個月都冇咩特別野做...都係搞吓大食會,同吓之前D同學行吓街...雖然而家D生活都幾辛苦...但係介唔中玩吓都算係中和番家啦~暫時都捱得住(其實都冇得涯唔住)相比起中五,而家都未算去得盡...只係驚會愈黎愈懶...而且都feel到自己懶咗... 五月,又要再考多次英文會考...覺得今年比上年易好多,可能因為考唔考到對我都冇咩影響,所以可以話係零壓力去應考~同上年既心情完全兩回事~果兩日仲要過得超快~ 下個月中有得去北京,學校包哂~唔洗錢~超正~希望可以藉住呢次機會同班同學熟D...講真,過咗咁耐始終都未算同D同學熟...而自己唔知點解一放學就好想離開間學校,情況就好似repeat form4果年咁樣...其實果陣D firend都係form5什至畢完業先開始熟...呢個始終都係自己問題...如果第時出去做野仲係咁,都幾大獲... 而家得番3個禮拜溫大考...成績都唔會好得去邊...只係希望唔會要我re form6...我巳經係form4 re咗一年...唔想再花多一年時間,唔想再要父母供多我一年...唉...上年搏哂命去考會考就係為咗升中六...完全冇諗過中六會咁鬼難...始終自己太天真...以為升到就一天都光哂...點知搞到仲灰過上年...我諗就好似為咗追求自己喜歡既人做盡所有野,但係唔會諗到真係有機會拍到拖果陣又會有好多問題出現...但係中六條路唔行都行咗...我諗如果再努力D,應該會有一,兩成機會升到U,我唔想放棄,雖然仲未盡力,但係我都用咗唔少心血讀中六D野...我知如果而家放棄,第日一定會後悔...我父母養我養咗差唔多廿年供我讀書供咗成十幾年,個個月都差唔多用咗佢地成份糧,最近成日同我講盡咗力就得,我知佢地都估到我冇咩機會入到U,但係佢地一定好想我得...我係獨生子,佢地老咗就只得番我去照顧...我唔想令到佢地失望...一成機會好,兩成機會好,就算係冇機會我都想搏埋佢...有D人話有其他出路可以走...但係我唔想再花時間,而家只有預科升大學係最快最好...我死都行埋佢...a-levels之後有幾果月先放榜...到時自己都知道有冇把握啦,如果冇把握,大可到時先諗其他出路... 中六係辛苦,但係其他路都差唔多,有次同莫莫吹開水,原來佢讀果D要成日自己做果powerpoint出黎用英文present...仲要冇書要自己搵資料...有D friend就準備考果試返上去讀大學,佢地要計果D數連我都未學過...仲要背哂成個中國地圖wo...而ive果d就要讀成四年...學費超貴況且上到year3 D野就唔會易... 條條路都差唔多咁辛苦...而家成日話自己應付唔黎,其實自己都未用盡力去溫... 我花得太多時間諗將來要點行...又成日唔捨得以前既野...搞到而家成日都唔係太專心...唉...而且對溫書都好似冇咩方向咁...睇黎都係時候plan定個時間表,管吓自己lu... |
![n666652028_1264580_3057[1]](http://xf9.xanga.com/95cf706674535250535449/b198851757.jpg)
![n666652028_1264593_5903[1]](http://x3a.xanga.com/a43f5a67d4732250535453/b198851759.jpg)
![n666652028_1264594_6131[1]](http://xbc.xanga.com/49af746676d35250535658/b198851938.jpg)
![n533198868_1262815_9460[1]](http://x3c.xanga.com/713f247057430250535440/b198851749.jpg)
![n533198868_1262823_1911[1]](http://xac.xanga.com/634f517257433250535444/b198851753.jpg)
